جايب لكم قصيده البيبسي حلووووه مره انشالله تعجبكم .
السلام عليكم ورحمه الله وبركاته
قصيده للشاعر / رويفع بن دبسي الشيباني ...
وقصتها في وسط القصيده .....
يامحلا البيسي على فكت الريق
لاقام ترف الروح ثم فك ريقه
ثم شغل الموتر نواله طواريق
ارجو عسى ربي يسهل طريقه
من يوم تل الجيب تل المعاليق
اقفا وقلبي فيه مثل الحريقه
غرو(ن) ربا بالبر بين الزماليق
ورد الخزامى غير ورد الحديقه
زاد(ن) طري من طلعته مابعد ذيق
ونا على لاماه روحي شفيقه
قوات حبه طوق القلب تطويق
واونست في قلبي من الحب ضيقه
وانا منول سالي البال ماضيق
عندي من الضيقه علاقه وثيقه
واليوم قلبي طار لولا المعاليق
ماتلحقه حتى الجيوب السبيقه
غرو(ن) ركب بالباب باب السواويق
يابو فهد يوم انتهض شفت سيقه
الجسم فارق فيه فرق وتفاريق
والعنق عنق الريم فيه تعليقه
والردف كنه طعس حومة معانيق
غرو(ن) تثنى فوق ردفه دليقه
بغيت اصد يسار لاشك ماطيق
الصد عن من شفت والله ماطيقه
اطلبله المعبود رب المخاليق
جعل الحيا يسقي مراتع فريقه
وسلامتكم ...............
:MonTaseR_130:
انشالله تنال على اعجابكم
