يافاهـــــــم الدنيا غــــــلط .... هذا عـــــــــــــــذر بالله عليك ..؟؟!

**شحيه وأفتخر** · 26-09-2011, 10:24 PM

مابيك تبكي وتعتذر .. ولا أبي تكثِر رجاك
ابيك بس تحطها في بالك إني ما أبيك

ودي اسامح غلطتك وانسى عنادك مع خطاك
ودي ولكن غلطتك اكبر من إني احتويك

تخطي وترجع تعتذر والعذر مايثبت وفاك
اسلّمك بسمة غلا وتصفعها في قسوة يديك !!

(عذرك) تقول : إذا كثر وصلك يبي ينقص غلاك !
يا فاهم الدنيا غلط ... هذا عذر بالله عليك ..؟؟!

كم قلت لك يا صاحبي : قلبي تعذب من قساك
لا تزيدني .. كافي قسى .. بس انت زدت الله يهديك

ياللي تظن إن الغلا يزيد لا زدت بجفاك !
تأكد إني واحد ٍ لَ اقفيت عنه ما يجيك

ماني مثل بعض البشر اترجى واتوسل رضاك
والله لو موتي بيجي من غيبتك ما ارتجيك

أدري الزمن هذا كثر فيه البشر من مستواك
وأدري وش اللي غيّرك على حبيب ٍ مشتريك

ماغيّرك إلا الدلع يا صاحبي وهذا بلاك
وما يسْنّعك إلا القسى ولا الدلع واااجد عليك ..!!

**فتى عمان 73** · 26-09-2011, 10:27 PM

كم قلت لك يا صاحبي : قلبي تعذب من قساك
لا تزيدني .. كافي قسى .. بس انت زدت الله يهديك

شحية وافتخر

تسلمي خيتووووووووووو

على الطرح

**شحيه وأفتخر** · 26-09-2011, 11:11 PM

مشكووور ع المروووور

**قصيد** · 27-09-2011, 01:18 PM

يسلموووو ع الطرح الجميل

اتمنى تكتفين بطرح موضوعين على الاكثر في قسم خيتووووو

**"شَموخ أُنــثى"** · 27-09-2011, 05:31 PM

ودي اسامح غلطتك وانسى عنادك مع خطاك
ودي ولكن غلطتك اكبر من إني احتويك
,,,,,,,,,,,,,,,,,,,,,,,,,,,,,,,,,,,,,,,,,,
تخطي وترجع تعتذر والعذر مايثبت وفاك
اسلّمك بسمة غلا وتصفعها في قسوة يديك !!

روعهــ الكلمآت بروعة وجودكـ... ههههههه حلوه لآه؟!!
المهم صرااآحه عيبني القصيــــد