الرزفـه

**ṧϦḕḧḧᶖ** · 19-10-2011, 01:42 AM

السلام عليكم ورحمة الله وبركاته ،،،

. . مرحبا اعداد ايام السنين واعداد ما ترمش العين . . ๑

●

~ .. [ مرحبا اعداد من سلم و رد التحايا و اعداد من رد التحيه على الضيف ] .. ~
●

- شو هي الرزفه ؟

فن من فنون وتراث الامارات والدول الخليجيه

ومن بينها اليمن .. في الامارات بدت بين اهل الجبال
واهل مناطق النخيل .. وهي رقصه يستعملون فيها
الخيزرانه والاسلحه [كلاشن ، سيوف وألخ .. ]
والرزفه للريايل يعني ماشي حريم ..
الا جان وحده بتنش تنعش ..

●

- متى تمارس الزرفه ؟

الاعياد .. الاعراس .. مولود يديد .. ختان الاولاد. يعني اي مناسبه
فيها فرحه وخرشه
●

- انواع الرزفه ؟

نوعين :-
1- الرزفه البدويه ..
2- الرزفه الحربيه ..

●

كيف تكون الرزفه ؟

يوقفون صفين من الرياييل على الصوبين ..
بنفس العدد اذا على اليمين 10 ريايل ..
الصوب الثاني يجابلونهم 10 ريايل ..

وفي النص يقودهم شاعر قايد الفرقه ..
ويبدا الشله الحربيه الي هي قصايد شعريه محليه
مثل قصايد [ غزل ، الذكريات، المدح وألخ .. ]

يبدا الشاعر بالقصيده على لحن
وتكون الحان حربيه تناسب الرزفه ..
ويرددون الريايل الي يرزفون في الصفين
ابيات القصيده .. بس على طريقه معينه
يرددها صف من الريايل وعقب الصف الثاني يرددها
عشان تكون الشله متبادله بصفين وبطريقه مميزه

وبعد يتواجدون في النص الرزيفه
المعروفين باليويله ..
ومن حركاتهم :-
1- تحريك الرأس بطريقه معينه ..
2- رمي الاسلحه [ البنادق والسيوف .. ] وامساكها قبل السقوط ..
3- تحريك الاسلحه واستعراض المهارات ..
وغيرها الكثير ..

●

●

**اللواء** · 19-10-2011, 01:55 AM

موضوعك زين

لكن اذا قلنا بنية محطيه الموضووع فلا باس

لكن انت ريال

شو هذا كاتب

[.. وهي رقصه يستعملون فيها
الخيزرانه والاسلحه [كلاشن ، سيوف وألخ .. ]quote][/quote]

ليش مستويين رقاصات و ما ندري

رزفه رزيف يرزفون

ما رقصه رقيص يرقصون

رقصه قال

اتذكر واحد كان يدرس بمسقط و كان بالبريك يرزفوون مع ربعهم
دش الاستاد و عمانية خبرت المدرس قالت كانوا يرقصون

و يهزبها الديب واحد من خصب كان

الحين انت منا و فينا تقول رقصه

فالغريب ما ينلام