خبر عاجل /تجمعات للصيادين عند ميناء خصب

[سيف]

فالبداية حبيت أحيي عضو نك نيمه فتى مسندم اللي مشارك بمنتدى محلي
اللي لاحظت فيه بعض الردود اللي ما يتعيب أي واحد منا كمواطنين من مسندم
وهو ما قصر رد عليهم بالمرصاد

يعني قعدوا يجرحون بالكلام علشان عندهم السمك غالي

حسسوني من ردودهم إن نحن مفروض علينا نييب لهم سمك
كنت أبا أرد وسجلت بس التسجيل بيتفعل بعد أسبوع
وبعد الاسبوع بيكون السالفة بردت
من وجهة رأيي :
في ناس من عمان مشتطه ما عايبنها اللي مسويه الصيادين
والسبب إن ما عندهم سمك
يعني أهالي مسندم ما مكلفين اييبون لكم سمك
لو تبون بروحكم تعالوا وخذوا ترا ما حد بيرفض يعطيكم
وبالسعر الرخيص بأ
أهالي مسندم ما قصدهم انهم ما يطرشون لعمان داخل
لو الود ودهم بيطرشون
يعني
الصياد على قد حاله
تعبان طول النهار
شو اللي بيخليه يصك لعمان علشان يبيع وعداله السوق بالإمارات
يعني بالمنطق وهو يبا يعيش أهله وين بيبيع للقريب طبعا لأنه أريح له
السبب الثاني واللي يعتبر مشابه للأول وأكثر إقناعا
إن الصياد لو بغا يبيع بعمان
لازم بالأول يعبر بشاحنته شارع خصب الملتوي خمسين ألف لويي
وبعدها يعبر حدود مسندم مع الإمارات
ويعبر الإمارات ويرد يعبر حدود خطمة الملاحة أو الوجاجه
من غير التفتيشات
ويسوق بخط الباطنه الموحش ويعرض حياته للخطر
ما تسوى عليه هالكمن بوته
　
الصراحة موقفهم صعب
وما ينلامون
يعني ألحين وين بيكون معنى كلمة التصدير حاضر
لعمان ولا الإمارات
شوفوا التعب وين بيكون
لو الحكومة خصصت حد يشتري ويبيع بعمان ترا أهل المنطقة ما يقصرون
الشي اللي أضعف موقفهم هو لما سكروا الشارع
صح هالشي يسرع من تلبية المطالب
بس لما تعطلت الناس صاروا بموقف الخطأ
بس في مبرر
يعني هم يتكلمون من متى وما حد سمعهم
ترا الحين الكل فهم المسؤولين ما يسمعون إلا بهالمور
　
مسندم ناسها على نياتهم ما يبون شي يتحكم فيهم
يكفي إن الخدمات فيها صعبة
واللولو ما هو إلا حل تحقق من قريب
فكيف نباهم يسكتون عن هالشي
　
ما أدري أحسني تكلمت وايد

[سليمان مالك]

أوضحت التعديلات التي أجريت على كل من قانون الجزاء العماني وقانون الاجراءات الجزائية المنصوص عليها في المرسوم السلطاني السامي رقم 96/2011 ـ الصادر في 13 من ذي القعدة سنة 1432هـ الموافق 11 من اكتوبر سنة 2011م ـ ومنها ما يلي :

المادة (137): ك - في التجمهر: (يعاقب بالسجن من شهر الى سنة وبغرامة لا تجاوز مائتي ريال كل من اشترك في تجمهر مؤلف من عشرة اشخاص على الاقل، بقصد الاخلال بالنظام العام. واذا استخدم العنف اثناء التجمهر يعاقب الفاعل بالسجن مدة لا تقل عن ستة اشهر ولا تزيد على ثلاث سنوات وبغرامة لا تتجاوز خمسمائة ريال.

المادة (137 مكررا): يعاقب بالسجن مدة لا تقل عن سنة ولا تزيد على ثلاث سنوات كل من اقدم قصدا باية وسيلة كانت على سد الطرقات العامة بما يؤدي الى منع عبورها او عدم سهولة السير عليها، ولا تقل العقوبة عن سبع سنوات اذا تعمد الفاعل منع عبور مركبات الاسعاف وما في حكمها او مركبات الامن العام، وفي جميع الاحوال لا تقل العقوبة عن عشر سنوات اذا اقترن الفعل بالتهديد باستخدام السلاح.





المصدر: منتديات خصب نت
موضوع للكاتب : سيف الغدر

[الكمزاري10]

بيلتغي هالقرار نهائيا ان شاءالله

[فتى كمزار]

المهم أن القرار راح يلتغي ونقولها صراحه أن عاد القرار عدنا

ولايهمنا كلام الناس اللي كل ما صار شيئ فتح له نك جديد
وجلس يتهم النااس ...

[سامي الدليل77]

ياخي عندهم من شناص لين صلاله ع الاقل يمشو هالشي لنا بس يعني مسندم على ما اعتقد انه لا تسر ولا تضر




اخواني نحن عايشين من هالشي صدقونا وان راح بنروح



هذيلة خسي يتحكمو فينا هاي ارضينا وبحارنا وجبالنا وخيراتنا وهالمكان بلادنا قبل لا يصير ىبلادهم .............




والي ما عايبنه يدق راسه باقرب طوفه......................

تسلم ولد السل

[دبلوماسي]

السلام عليكم

أعتقد أن الموضوع أخذ حقه من الردود

وكل شئ رجع مثل أول والحمدلله..


يغلق