انتهينا

[فتى الجادي]

آآآآه


ما التفت انت،


وما ندهت أنا !


كان يخنقني سكوتي


وكنت تتباهى في موتي


وانت ترحل..





كل زوايا البيت ضاقت


كل أماني الوقت ماتت


تاه شوقي،


بين ذكرى وبين عبرة


وانكسر فيني حنيني


ومت حسرة !


غص قلبي بـ هم أكبر


من رحيلك.من برود الوقت،


منك..من عنادي !


وانت ترحل،


كانت اللحظة عمُر،


والمسافة بيننا كلها انتظار !



كان كل الكون،


يضحك في قهر !


كان كل اللي في عيني -انكسار - !


وكنت أكابر، وأحتضر..


ما أبيّن لك جنوني


وما اطالعك فـ عيوني


وادفن انفاسي


عبث .. مالي اختيار !





إيـه ارحل،
وما أبي أنده عليك !
لأن قربك هم .. ياكلني أكل ,
لأن قلبك،
ما احتواني بأي شكل !


تذكر الحزن فـ عيوني ..


لما كنت أحتاج قربك ؟


وما ألاقي إلا غدرك !


تذكر دموعي في بعدك ؟


وإلا صدك، وإلا هجرك


وإلا غيباتك حبيبي ..


أو خياناتك .. ولعبك ..!





لملم أشياءك، خلاص !
وعني ارحل.. ابتعد،
لا تخلي شي..
يذكرني في خيباتي معاك،


خذ بقايا ارتعاشي،وانكساري،


خذها أنفاسي ..اللي تحييني بـ هواك !


خذ هداياك .. وأغانينا، دفاتر تختنق !


خذ سوالفنا، وأمانينا رسايل تشتعل !



خذ عطورك،


دافي أنفاسك، حضورك !
خذ رمادك،باقي دخانك، عنادك !


لمسة ايدينك،على كتف العتاب


رعشة أنفاسك،على خد الغياب


خذها أشياءك حبيبي عودك ..


وكذبة وعودك !


دمعك اللي ما ذرفته


إلا من حزنك عليك !


خذ من أيامي حياتك


ذكرياتك، ما أبيك..



انتهينا ..!


أمس بس احنا انتهينا !
ما أظن !


احنا من مدة مفارقنا هوانا


ما تلاحظ إني من مدة


أنا ما كنت أنا !


حتى انت منت انت !


كل ما فينا تغير ..


كل ما فيني تحجر !روح ارحل ..




الله يكتب لك في كل خطوة، ندم !


الله يكتب لك في كل خطوة، آلم !

منقووووووول

[بلسم]

انتهينا

كلمات الخاطرة حلوة

ننتظر جديدك مشرفنا فتى الجاددي

[فتى الجادي]

شكرا على مرورج الطيب
أختي همسة

[قصيد]

يسلمووووووو مشرفنا على الطرح الفنننتك

كلمات رائعة

[فتى الجادي]

شكرا على مرورج الطيب
أختي قصيد