اغاني زمان اول اه من ذاك الزمان

[ṧḫễḫḫị]

حبيت اضيف عليكم اغاني اجدادنا وابانا الاوليين الي كانوا يغنون هذا الاغاني وهي تذكركم يمكن في ايامك الماضيه ايام الجد والجده واهل الفريج واصحابكم يوم كنتم اصغاريه تلعبون لان في امس الحاجه لاسترجاع الذكريات وملئ اوقاتنا بالتعرف عليها والسباحه في بحرها واستخراج عوالمها واسرارها
والاوليين ما قصروا كفو ووفوا
والمهم هذا هي الاغاني اسمعوها اقصد اقرؤوها زين ما من الزين

ومع السلامه




مرحبا الساع ......
أول شيء أكيد سمعتوا أغاني اول وأكيد تعرفونها أن اليوم حاب أذكركم.....

حمامه نودي نودي .. سلمي على سعودي
سعودي ساير مكه .. بيب ثياب بو العكه
بحطه في صندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس .. والعروس تبغي عيال
والعيال يبغون حليب ... والحليب عند البقر
والبقر يبغون حشيش .. والحشيش فوق اليبل
واليبل يبغي مطر ... والمطر عند الله


---------------------------------------------------------------
خوصه بوصه يا النبوصه كلاج الدود من حندود
ليلى ليلى عطينا سيفج بنلاجي به عبدالله بن سلطان
لادغتنه عقربيه شقربيه دوسة خيل ولا مطيه
---------------------------------------------------------------
عمتي مرت ابويه ... الله يسلط عليها
يوم يتها الهديه .. دستها في الزويه
تتحسبني طلاّبه .. اطلب على البيبان
ما جن ابويه تاجر ..بيصوغ لي الذهبان
---------------------------------------------------------------

طاحت عليه نفه .. قوموا اشترولي دفه
طاح المطر برعوده .. كسر حوي سعوده
طاح المطر بيد الله ... كسر حوي عبدالله
طاح المطر ع الخيمة ... كسر حوي افطيمه
طاح المطر من فوق .. كسر حوي بن طوق
----------------------------------------------------------------


ولد عمي ما بغاني ... تنقى علي واختار
تنقى ام السلاسل .. ام الشغاب الطوال
حلفت انا لزامط .. بالند وبالبياض
-----------------------------------------------------

يا عليا قومي ركبي ... بيقودبج علوه
المطرح والزوالي .. جدامج ربعوه
نهار ما صبحتي .. المدفع ثوروه
الحلوى في القواطي .. والنخي نثروه
---------------------------------------------------------------

يا فاطمة بنت راشد .. يا شيخة البنات
انتي قصيره وبيضا ... والخشم مكعبات
يا قصة يانثرية ... تنثر على الحياة
-----------------------------------------------------------------

يا عليا بنت ابوها ... والخطاب اخطبوها
سبعة ورا البيت .. والثامن عند ابوها
واحد يدق الزعفران ... والثاني يقول يا ليتني خادم ابوها.
----------------------------------------------------------------
يا بنية ما دريتي ... عن خطار لفوج
قالت لفوني غبشة .. على خيول وبوش
مصلين الجمعه ..صقر ولد الشيوخ
يالس على الدجيجه .. يالس ويعد فلوس
يا الطاسه يا المخبوقه .. ما ضمتها الفلوس
----------------------------------------------------------------
يا بنيه موتي غصه ... اذا انا مريت
انا سلبت فوادج ... في السكه واتليت
يالغرفة يا الشرجيه ... بناها بو علي
حق عاشه البدويه .. بنت محمد علي
----------------------------------------------------------------

من اليوع لو متّي .. ما يوزج شتّي
بيوزج تاير .. لو بالحجي جاير
يا بنيتي يالزينه ... صبي لبوج دهينه
جان ما رضى ولد عمج.. صبي واجلعي عينه
----------------------------------------------------------------

يرقد وليدي رقده هنيه
رقدة الغزلان في البريه
يرقد وليدي طيب الله نومه
وعدو وليدى ما هنا بمنام
-------------------------------------------------------------------

عيال عمي سبعة .. خلوني باتنقى
نقيت بو طاقية .... بو يوخه ما رضى
زامط عليه بخشمه .. يا خشم اليوحره
خشمي طويل وغاوي ..شفته في المنظره .
حيا الله اللي يباني .... يسلم العشره


-------------------------------------------------------------------

يامي يامي ياماية ...راعي البحر ما ابااه
يشل مزمات العومة...وتصل على علباه
ابا وليد عمي من خنيره ورداه...ما هد خطام الصفرا ولا ضيع عصاه

-------------------------------------------------------------------
يا يراده طيري طيري والحجي عصفور..
ياويل من له عدة والذيب غيل في الغنم
بي من باطن حشاية..
ولا بي عسر من دين..ما تلحجة اليدين


وسلامتكم

هاه شرايكم قربوا وعطوني رايكم...............

[كلوديااا]

مشكور أخوي شحي
صج رجعتني لورا ايام الشقاوة واللعب مع عيال الفريج

[ṧḫễḫḫị]

ثانكس ع مرورج

[قصيد]

ايام حلوة كانت ايام زمان الواحد يشتاق حقها

تسلم اخوي شحي ع موضوعك الجميل

[أبوفارس]

تشكر ع الموضوع الجميل

[ṧḫễḫḫị]

قصيد + ابو فارس

نورتو الموضوعـ

[شحيه وأفتخر]

موضوع وأإأيد فنتك

تسلم شحي ||~

[كلـــ جروح ــــي //~]

صــــرآحة زمااان وآآآآيد حمآآآس احس كآآن في خبل شوي أحب الخبل
تسلم بس شرآآآآيك تسجل هاي الاغاااني بصوتك بتطلع احلـآ ؟؟؟
هعهعهعهعهعهع

[ṧḫễḫḫị]

صــــرآحة زمااان وآآآآيد حمآآآس احس كآآن في خبل شوي أحب الخبل
تسلم بس شرآآآآيك تسجل هاي الاغاااني بصوتك بتطلع احلـآ ؟؟؟
هعهعهعهعهعهع

لو سجلت بصوتي بتضع عنكم الطبول الخاصة بالاذن

ويمكنن تصابون بالصمم الدائم ....بعيد الشر عنكم

هعهههعهعهعهعهع

وتسلمي ع المرور

[|~| دمعة حزن |~|]

يآآآآ سلام ع هالاغاني الجديمة ...

ونتر يا يديدكـ شحي