متى سيتم توزيع الأراضي ؟ سأمنا الانتظار

[اللواء]

اونه ماشي اراضي فمسندم
زين هاي مشكلتنا ولا مشكلتهم
نحن مايخصنا ولازم ناخذ نصيبنا شرات اللي فمسقط
والله الدنيا فوضه ناس تاخذ ونحن نطمش
وناس تقص علينا ونحن هيه هيه ماشي اراضي
حقنا ها مب ياين نشحت منهم

في في أراضي

بس هم شو مقصدهم و تفكيرهم

مسندم و الي هي رؤووس الجبال طبعاً<< للي ما يعرفها

مخططيها بس حق السياحه و مشاريع الدعارة و الخمور

و المواطن ياكل خسسس

[شموخ العز]

شباب ...أنتو منزلين موضوع تناقشو فيه ... و تريدوا توصلوا لحل ,, لذلك مافي داعي الواحد يغلط ع الثاني .. ألي عنده معلومه يفيدنا فيها يكتبها .. و ألي ما عنده يسكت ..
مسندم نت أنا من دخلت فيه شفته غير عن كل المنتديات .. وما من حقنا ندخل و نترك تعليقات مخله على بعضنا
دام هذا أسلوبنا نطلع و نناقش مواضيعنا برا المنتدى ...
تقبلوا مروري ..

[مسندميات]

يا ريت يعطونا أراضي اللي مطلة عالبحر من فوووووووووووووووق،،،،،،،،،صوب الحرف أو حنا

نبنيها منتجعااااااااااااااات ................ ونشتوي فيها زين ما زين أيام الحر!!!!!!!!!!!!!!

اللي سمعناه آخر شي ان منطقة روبيه بعدهم يتشاوروا اذا بيوزعوها أولا........عشان هي منطقة مياه جوفية وهي عبارة عن مجرى وادي بنفس الوقت


فالحكومة ما تبى توزع مجاري وديان، وانتو بروحكم شايفين وادي روبيه أيام المطر ايش كبره يكون ..........عشان لا سمح الله لو استوى شي ما تقعدون تقولون الحكومة والحكوووووووووووووومة

[نجمة البحر]

الصبر مفتاح الفرج..

ولن يرحموك هؤلاء البشر


إحتى بعد موتك

[حسن محمد]

انا اخوي ما اعرف من كم سنة ينتظر وماشي فايدة خخخ

الله يعينكم ويعينا

[بنو زراف]

وعليك السلام

صدق هالاراضي مشكلة ونااس مسجلين من سنيين ولين الحينه مب محصليين شيئ
عرفنا أن مسندم بشكل عام ما فيها أراضي للتوزيع ليش ما يتم توزيع اراضي لهم في
محافظه ثانية أو يتم صرف مبلغ محترم بدل الأراضي على الأقل الناس يحسون أنهم
مب غير عن بقية محافظات السلطنة ...


فتى كمزار

ولد كمزار إذا انت عندك استعداد يوزعون لك أراضي في الوسطى أو صوب محوت روح انا بصراحة ما أقدر أخلي خصب وأروح

[نبض المشاعر]

الله يعيــــــــــنك يــااا مــوووواااطن/ـة

مـــتى وكــيف وأيــن

ووين نلقــى له جواااااب ؟؟

[فتى كمزار]

اي املاك اي خرابيط
لو املاكهم يجيبوا ما يثبت
هذي كله ادعائات كاذبه

هاذا املاك الناس ومخلف عليهم من أجدادهم
وحتى الاراضي اللي بسيما حقوق لناس
وماتم تعويضهم وأنته عارف أن أهل المنطقة
ماعندهم أثبات لأغلب الاراضي اذا احنا ف كمزار
الى الحين أغلب البيوت أصحابها ماعندهم ملكية لها يثبت أن البيوت لهم
وهذا مب بس ف كمزار اغلب المناطق كذا

[إشراقة النور]

الله يعين الجميع ،، صحيح البعض قد يحتاجها للضرورة لكن ما في حل غير الصبر

[ابوحتوم]

الحكومه اذ تريد شي ما عليها من حد بس هم يسكتو الناس انها ما راضيه ... في اراضي في الصناعيه فاضيه بس هذا وهم في وهم سكوت في سكوت لان في ناس مستفيده بخصب....