عمان موبايل الى متى ؟؟

**عبدالله الكمزاري** · 12-10-2011, 07:13 PM

أول شيء قطعوا الكلام في الماسنجر
وبعدين منعوا من تنزيل سكاي بي
وقالوا لو فتحناهم ما حد راح يتصل عن طريق التلفون والشركة راح تخسر

وكلما قلنا لهم ان الدول كلها تستخدم كل هالبرامج ومفتوحة وبأرخص الأسعار
قالوا: هم عندهم كثافة سكانية كبيرة واحنا ما عندنا
قلنا لهم حلو.. أنتو فهموا الحكومة أن ما في عندنا نسمة وخلوهم يشغلوا الشباب علشان يتزوجوا ويجيبوا عيال
وأنتو طايحين تشغلون الحريم والريال يالس في البيت هالشيء ما يصلح
المراة من متى تصرف على البيوت خلو الرجال هو اللي يشتغل وهو اللي راح يصرف على البيت
أووه خرجت عن الموضوع..

عند الدول اللي حولنا يسجلون في بداية الشهر بما يساوي 35 ريال عماني ويكون مفتوح طول الشهر تنزل اللي تريد
واحنا طاح حظنا مع هالعمان طل وطايحين يقصون علينا
ولعلمكم أن كل الشركات في العالم خسرت في الأزمة الاقتصادية اللي مرت ما عدا شركات الاتصالات... ليش؟؟
لأن المكالمات والاتصالات بجميع أشكالها لا تكلف الشركة شيء وهم يأخذون عن الناس أموال طائلة فطبيعي ما يخسرون

**غلووويه** · 12-10-2011, 11:16 PM

هههههههههههههههههههههههههههههههههههههه
انا لازم ابدا بضحكه سخريه ع الذل اللي نشوفه
وارد اقولهم ترا هذولا حراميه
وسبحان الله كنت ارمس عن موضوع الاتصالات ويا اختي
ودوم نتصل ع عمان موبايل بسبب بطىء النت اول شي واتم الشبكه تفصل 24 ساعه
يعني مانقدر نحمل برنامج ولا انزل شي بسبب فصل النت المستمر
يعني بعد سوينا اشتراك شهري والذل يلاحفنا
صراحه ماعمريه شفت بلد تموت فالبيزات وتحاسب ع كل فلس شرات عمان
صراحه صراحه ع كل شي تحاسب وتموت فالبيزات
يعني لاتحاول اهم شي عندها الربح
واللي مايردون ع الاتصال بسرعه
تريى ساعه لين مايردون علينا
القصد ماشفنا شي حلو وزين فخدماتهم مووووووووووووووووووووووووووووول
حررررررررررررررررررررررررررررررراميه بمعنى الكلمة
والحين والله الواحد يستحي يشوف شعبه يقول عليه هالرمسه
ويغير من الوضع
بس فعمان
ولا طشونه
لا حياة لمن تنادي
يعني ماشي فايدة من الرمسه صراحه
لو الواحد يبا يقاطعهم خلوهم يموتون قهر ع النصب اللي عندهم
ويالله لو طلع واحد فيهم زين وقال خلونا نسوي خدمات شرات الخلق
مالت عليهم

**ولاد شحه** · 12-10-2011, 11:55 PM

شركه متخلفه كل همها امتصاص دماء المشتركين

**vip** · 13-10-2011, 12:13 AM

ما بنقول شي
غير الله يصبرنا

**اللواء** · 13-10-2011, 12:57 AM

السلام عليكم

خل يعدلوا شبكتهم الخربانه و الي حرقنا تلفوناتهم عشان يسووها ما تكمل كمن يوم الا و ترد لسابق عهدها

قبل لا يسوون ها الخدمات الي كما ويههم

شو هذا؟؟

خدمات مفلعه

واحد جيجابايت بشهر؟؟؟؟؟

و مغيرها من خدمات

حشى خدمات اتصلات و دو و خدمات شبكات السعودية يا سلام ارمس و ارفس و قول بقويلك و رصيدك بعده عندك

عمان موبايل ما كملنا رمسة الا و الرصيد طار بمهب الريح

يمكن يحسبوا الشعب عنده فلووس؟؟ مثلاً

ما ينلامون.. وين مسويه ها الشبكة؟؟

في دولة خليجية اقتصادها ضارب

خخخ

و الشعب محنتت مفلع

**كمزار دار الزوار** · 13-10-2011, 02:04 AM

الله المستعان

**بسام الكمزاري** · 13-10-2011, 03:05 AM

هل هذا المقترح صعب ..

1- اشتراك ريال ل 24 ساعة بدون تحديد
2 - اشتراك اسبوعي ب 3 ريالات مقابل تحديد 5 جيجا
3 - اشتراك شهري 5 ريال مقابل تحديد 10 جيجا

وبالتالي الجميع راضي والكل مستفيد والشركه اكثر تكسب زبائن
مع عدم التقليل من سرعة النت ...