تَعَبت أشيـل الهَم عنّك وأداريك

[دمعة احساس]

تَعَبت أشيـل الهَم عنّك وأداريك




تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !



لا يا ( حبيبي) .. الزمن لا يخليك
تقسى على قلبي وتسقيه سِمِّك !



[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !



ما هي غريبه من يذمِّك يماشيك
لكن غريبـــه يمدحك من يذمِّك !!



ما كل واحد غاب معناه ناسيك
بعض البشر ينساك لو كان يمِّك !



أدري تعزني .. اللـه يعز غاليك
وإن كان لـي عندك معزَّه بضمك !



في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !



إسمك حبيبي ويا كثِرها أساميك
وقلبي يفز .. لا جابوا الناس إسمك !



ليتك تحس في ضيقتي يوم أحاتيك
أحرق لك أعصابي .. وما حَس دمِّك !



غايب بدون أعذار .. ربِّي يجازيك
عطني سبب مُقنع حبيبي .. وألمكّ !



همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !



[ لبيــه ] منِّك غير .. لمَّا أناديك
كن الكلام العَذب ... مرساه فمِّك !



مهما غلوك قلوب ناسٍ حوالــــيك
أغليك أكثر منِّهُم بس .. لعلمك !



أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !


.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك


منقول

[كمزار دار الزوار]

الله على هالقصــيـدة ,,, دمــعـــ إحســاس ــــــــــة ابــدعـت صــراحــة ,, ســلــمـتي وســلمـت يمــنـاك

[فتى الجادي]

ما كل واحد غاب معناه ناسيك
بعض البشر ينساك لو كان يمِّك

****************

صح لسااااااااانج....وربي كلمات رووعه..

تسلم اناملج كتبت هالقصيده....

وننتظر ابدااعج وجديدج

تسلمين دمعه احساس

[دمعة احساس]

كم استمتعت بردج الرائع اختي كمزار دار الزوار
شكرا

[دمعة احساس]

كالعادة لطالما كانت ردودك مميزة فتى الجادي

شكرا ع التواجد الطيب منك

[قصيد]

مشاعر رائعة وكلمات جميلة

الله لا هانج خيتي

نتريا يديدج

[دمعة احساس]

مشاعر رائعة وكلمات جميلة

الله لا هانج خيتي

نتريا يديدج

تسلمي قصيد بارك الله فيك اختي تسعدني ردودج الحلوة