منع تصدير الاسماك الى دبي وتداعياته

[الوسمي]

محد بقطع رزق حد والصياد بحصل حد يشتري منه السمكك يعني الحين أذا دبي ما شرت السمك محد يشتري منه السمك

[اللواء]

يعني الحين ادبي ما عندها سمك ليج عندهم بحر مثل ما عندنا
وأذا بعض الناس محصلين سمك بعض الناس ما محصلين أو تكون اسعار السمك غالي كانه ذهب
أذا ها القرار مدروس وله إجابيات ليج لا
أما إذا كان القرار وراه بس حسد ع قولتك يا اخوي بحر الشوق ها عاد سالفه ثانية
والحمدالله عندهم خير اهل ادبي ومو ناطرين سمكنا

يوم ما شي عندك سالفه و ما عندك خبر بالسوق .. السكوت افضل حالة لك

[فتى الجادي]

السلام عليكم ورحمة الله وبركاتة

اخواني الاعضاء بمسندم نت فقط توضيح للقرار الوزاري الصادر من معالي الدكتور وزير الزراعة والثروة السمكية بخصوص تنظيم صادرات السلطنة من الاسماك وتحديد انواعها

القرار لا يقر بمنع تصدير الاسماك نهائيا وانما تنظيم الصادرات والهدف الاساسي من ذلك هو توفير الامن الغذائي للمواطن بناءا على قرار من مجلس الوزراء الموقر.

اولا : يحظر تصدير اسماك (الجيدر والكنعد والسهوه والصافي ) لمدة ستة شهور من بداية ديسمبر 2011م الى نهاية مايو 2012م

ثانيا:على اصحاب سيارات نقل وتسويق الاسماك والشركات المرخصة ممارسة نشاط تداول وتسويق الثروة المائية الحية بتسويق كمية من انواع الاسماك الاخرى في الاسواق المحلية . مقابل التصريح له بتصدير كميه مساوية للكمية التي تم تسويقها في الاسواق المحلية.

هذه معلومة للتوضيح فقط لا اكثر

وتقبلوا مروري

[الوسمي]

أنا أسكت يا ....
من أنت حتى تسكتني عندك رد ع كلامي قوله بحترام
ما عندك أنت اسكت
الله يهديك بس
أنا أهنيه أبدي راي مثلي مثل غيري عجبك ما عجبك المهم الأحترام
يوم أنت الي أتقول كلام ما مدروس غيرك يدرس الاشياء قبل لا يسويها
وها القرار أكيد لصالح المواطن وذا ما فاد المواطن اكيد الحكومة بتلغيه يعني الحكومه تمنع شي لطالح المواطن

[الوسمي]

فتى الجادي
شكرا للتوضيح

[مجنون رسمـــي]

ههههههههه

قرار موب صائب طبعا.... وهذا الي يقووول صائب ضددك ضدك لانكم ما فاهمين شئ اسال أهل البحر....

الحين الي يقووول السمك غالي... حاليا شو ما غالي كل شئ غالي ما السمك بس...والا القصد قطع الارزاق

هذا الانسان مسكين كل يوم يقوم من صباح الله خير لين المغرب يتعب ويكد عشان يصرف ع بيته

يعني مثلا دبة البترول كنا نشتريه ب5 ريالات الحين 10 ريالات هذا كأبسط مثال

الخيوط والشباك ومعدات الصيد .....الخ ..بوجه عااام كله غالية


الحين أبا الحكم ليش السمك يعني عشان الي يكد المواطن والحكومة ما يدخل بجيبه شئ...

ثاني شئ هذا القرار يضر أهل مسندم بشكل عام وأهل خصب بوجه الخصوص لانه أغلبية السكان عايشين من البحر محد من أهل خصب السمك ما يدخل بيته والي يقول غير هالكلام حاسد 100%

[اللواء]

أنا أسكت يا .... اللواء
من أنت حتى تسكتني عندك رد ع كلامي قوله بحترام
ما عندك أنت اسكت
الله يهديك بس
أنا أهنيه أبدي راي مثلي مثل غيري عجبك ما عجبك المهم الأحترام
يوم أنت الي أتقول كلام ما مدروس غيرك يدرس الاشياء قبل لا يسويها
وها القرار أكيد لصالح المواطن وذا ما فاد المواطن اكيد الحكومة بتلغيه يعني الحكومه تمنع شي لطالح المواطن

ليش كلامي مب مدروس.. ما يباله دراسة للي مخه شغال و مب راقد
الحين اهالي مسندم مكتفيين اكتفاءاً ذاتياً من ناحية الاسماك حتى اهل اليبال ياخذوا حاجتهم و مكتفيين.. يعني يا اهل البحر مشوا سوقكم و ياللي أغلبكم ما تشتغلوا لا بالحكومة و لا بالعسكرية يعني مصدر رزقكم البحر.. و الاكتفاء الذاتي لله الحمد ميسر..
انزين ليش ايوونا اهل الاباطنة بسيارات نقل الاسماك مالهم و يشتروا السمك من عندنا و وين يشلووه..!!

طبعاً ما يشلوه الباطنة لأنهم مكتفيين ذاتياً..

يشلونه طال عمرك دبي و يبيعوه بمبالغ تربحهم.. يعني الحين محتكرين الموضوع على اهل مسندم الفقراء

و الله حشفففف

[البحر حبي]

يا أخـــواني ليش النظر في الموضوع بناحية إيجابية هناك حقائق لا يعرفه الكثيرين ومن هذه الحقائق

1.القارب سابقا كنا نشتريه 1200 ريال احين صار 2200 ريال

2.المكائن زاد السعر الضعف قبل مثلا مكئنة ال(75) 1000 ريال الحين 2300 ريال

3.الشباك سابقا القطعة الواحدة ب70 ريال والحين 120 ريال

.................الخ

طبعا هذا من غير البترول يعرف الجميع إنه زاد سعره اضعااااف

طبعا هذه الأرقام صحيحة والكل لاحظ الفرق شوفوا الأرقام توب

كل شئ غالي ما السمك بس

يعني ناس وايدين رزقهم أو أعتمادهم الكلي ع البحر وين يروحوا من يصرف عليهم

معروف عن منطقة مسندم وفرة الأسماك يعني اذا واحد جاب كمية وين يوديه.....

بالأخير السموحة ع الأطالة لاكن من الحرة

نطالب المسؤولين بتغير القرار

(قطــــع الأعنـــــاق ولا قطــــع الأرزاق)

[الوسمي]

حلو توضح رايك باسلوب حلو ومقبول بدون غلط يا لواء
الاختلاف ف الراي لا يفسد للود قضية
يمكن أقتنع برايك ويمكن لا مو لازم أنت الصح
ويمكن أنا الغلط أهنيه أحنا نتناقش مو نتهاوش

[بحر عمان]

يا أخـــواني ليش النظر في الموضوع بناحية إيجابية هناك حقائق لا يعرفه الكثيرين ومن هذه الحقائق

1.القارب سابقا كنا نشتريه 1200 ريال احين صار 2200 ريال

2.المكائن زاد السعر الضعف قبل مثلا مكئنة ال(75) 1000 ريال الحين 2300 ريال

3.الشباك سابقا القطعة الواحدة ب70 ريال والحين 120 ريال

.................الخ

طبعا هذا من غير البترول يعرف الجميع إنه زاد سعره اضعااااف

طبعا هذه الأرقام صحيحة والكل لاحظ الفرق شوفوا الأرقام توب

كل شئ غالي ما السمك بس

يعني ناس وايدين رزقهم أو أعتمادهم الكلي ع البحر وين يروحوا من يصرف عليهم

معروف عن منطقة مسندم وفرة الأسماك يعني اذا واحد جاب كمية وين يوديه.....

بالأخير السموحة ع الأطالة لاكن من الحرة

نطالب المسؤولين بتغير القرار

(قطــــع الأعنـــــاق ولا قطــــع الأرزاق)

ولكن سعر السمك تضاعف ثلاث أضعاف ويا ليت لو تضاعف مرة واحدة فقط فمثلا نحن كمشترين كنا نشتري الشعري الكيلو ب 500 بيسه الآن أصبح بريالين وليش ما يكون بريال واحد فقط لأن القارب والمكائن والشباك والبترول كما ذكرت زاد سعرها بمقدار الضعف فقط !!؟ القرار صائب 100% وصدر في وقته .