مـّّــآأإا مصيــر بنأآإات الثأآإنويــه أآإلعامه مـّن ألألف وظيـّفه؟؟؟؟؟

[آلجــوآهــر]

بسم الله الرحمن الرحيم

السلام عليكم ورحمة الله وبركاته

هالموضوع اللي بتكلم فيه جدا جدا مهم وماحد معطي لهالسالفه اي فيس انا كابنت فالثانويه وغيري م البنات محتاجين لهالوظايف وصعب الواحد انه يعرف بحال الاخرين الا اذا شافه يحن وايد ع انه يتوظف وكلامي موجه اولا لبنات اللي مثلي المحتاجات لوظيفه تسد حاجته وحاجت اهله وبيته ابغي م كل وحده مهتمه وجاده انها ترد ع الموضوع وتقول رايها ومابي اي وحده تشوف وماترد في بنات غير محتاجات لوظايف


هالموضوع وايد جدي لنسبه لي واعرف بعد ان في م المسؤولين والمدره يدشوا هالمنتدى خصيصأاإآ ويشوفوا شو اللي جاعد يصير وفي ناس مظلومين بس ساكتين مايقدروا حتى انهم يعطوا رايهم وانا ع نفسي تقدمت لعدة اماكن ولحد لحين ماجاني اي قبول م اي مكان تقدمت فيه انا ما ساكته ع هالشي بظل اتكلم فيه لاني بجد محتايه لهالوظيفه بجد وغيري محتاج*****

يا جماعة يا خوان وياخوات ياسؤولين وغير المسؤولين وين حقوق الانسانيه اللي الناس تظل تتكلم فيه بدون مايحس وهو عارف انه مايصبر شي*****

تعبنا واحنا نلاحق م مكان لمكان هالموضوع مفتوح للمناقشه في حد يقدر يناقشنا بهاذا الموضوع ؟؟؟



اتريا منكم رايكم وردودكم ع هالموضوع وارجوووووووكم وكلي امل وتفائل اني احصل ع الرد اللي يقنعني عشان اعرف شو اللي جاعد يصير


أرجو السموحه منكم"

[محمد سليمان]

من خلال حديث عضو مجلس الشورى ممثل ولايه خصب مؤخراً اشار الى رفع 130 اسم من المستحقين
ومن ضمن هذه الاسماء بنات حملة الثانوية العامة ( الدبلوم العام ) ذو ظروف استثنائية كما اشار لي



وأختي تأمل خيراً محد احسن من حد هنا
فكل مواطن ومواطنة له حق التوظيف ، والامور تشير الى تحس الى الافضل


هنا وعود كالعادة حول وظائف جديده سوف ترى النور قريباً
الحمدالله انطوت صفحة كبيرة بموضوع الباحثين عن عمل فتوظيف الف اسم فتح المجال اكبر للقادم


بتصوري الشخصي اجد هناك رغبة كبيرة من السيد المحافظ لانهاء هذه الازمة التي تتقلص من يوم الى اخر
ونحن هنا في مسندم.نت نسلط الضو بين فترة واخرى لهذا الموضوع


محمد سليمان

[البحر حبي]

أنا أقول خل يتوظفوا الشباب بالأول بعدين البنات ....بأستثناء البنات الي عندهم ظروف عائلية والي ماعندها ظروف تجلس بالبيت أحسن لها عيل شغل البيت من يسويه

لحد يهاجمني بنات هذا رأيِ

[تآآمْـيے]

أنا أقول خل يتوظفوا الشباب بالأول بعدين البنات ....بأستثناء البنات الي عندهم ظروف عائلية والي ماعندها ظروف تجلس بالبيت أحسن لها عيل شغل البيت من يسويه

لحد يهاجمني بنات هذا رأيِ

الصراااحه رأيي من رأي البحر حبي
خل يتوظفوا الشباااب بالاول بعدين البناات

[راعي الجبال]

بل ما مصير الشباب الذين لم يحالفهم الحظ والذين لم يشملهم الامر السامي اي من خريجي 2008 وفوق

[الملكة اوتيد]

صدش في عوائل ما عنهم صبيان او كلهم متزوجين ما يقدروه يصرفوه علينا
انا عن نفسي من سنتين ادور على وظيفة لين الحين ولا واحدة حقلت منها حتى القوى العاملة مكتوب لي ما من المستحقين شو هلظلم البنات وايد مظلومين بخصب بصراحة نبغيكم تفهمونة مو تقوه علينا وتحبطونه شو نسوي يعني اذا ما حقلنا لقمة عيشنا نظل نحن واواخواتنا شي لاحسين فينا ولانوم فعينا ........ نبي حل