نستحم بالمياه العكره في ليلة العيد

[اللواء]

الله يعينكم وأن شاء الله تتعدل الأوضاع
ويتم أصلاح البيبات بالقريب العاجل

شو تتصلح يا ريال نحن نباهم يغيروونها

لو تيي الحين و يحفروا لك عشان تشووف البيبات بتشووفها كلها مرقعه بسميت و الله مصخره و يحطوون ادوية و غيرها شو هذا بسموونا دنيييه

[اللواء]

الله يعين بس

الله يعين الجميع خيتي

و أزيدكم من الشعر بيت

على فكرة ترى الماي اللي يوصلنا للبيووت من نبع بمنطقة سقطه بدبا

و قبل يا سلاام الاموور طيبه و الماي من كثر انه نظيف نشربه

و مؤخراً سووا لنا محطة تحلية مياه في دبا و الماي الي تنتجه يضخوونه لين الخزان الرئيسي مع النبع و يخلط يعني و عقب على البيووت
بالفترة الاولية للتحلية اشتكى اهل دبا من الماي لشدة عذووبته لدرجة ان الشخص يوم يسبح الماي على جلده مثل الصابون مب صحي يعني

قلنا بحلوا ها المشكلة.. و لكن زادوا الطين بله

جابوا الماي المحلى مع الماي المفلتر بالتحلية و خلطووه مع المزيد من الكلورين

و الحين مثل ما يرى الجميع ماء لا يشرب و وسخ من البيبات الارضية و غيرها و غيرها و ها الماي يستعمله معظم الناس باكل المطبخ

الله يعين بس

على فكرة ها البيبات الارضية سوتها الحكوومة ايام تطوير البنى التحتية لمسندم ببداية السلطنة و تكونها

و لا حول و لا قوة الا بالله

[مالكم شغل]

الله يعينكم

[اللواء]

الله يعينكم

يسعدني اخووي مالكم شغل على انك رديت على موضووعي اللافت للأنظار بموجووده

و البعيد عن الأنظار للي يسوون أنفسهم ما يشووفونه

و تسلم و بارك الله فيك على اول مشاركة

..........

ههههههه

اتذكرت الرمسه الي سمعتها أمس

و الله حاله
يقول لي واحد من لي يشتغلوون بالتحلية أنهم تناقشوا ويا إدارة التحلية من خصب و ناقشووهم بأشياء غريبه

يعني مثلاً اللي يشتغلوا بها من دبا كانوا متعارضين عند الإدارة يقولولهم هذا الماي الي نسوييه نحن مب صالح أبداً حق الشرب و نحن الي نحليه أبداً ما نقدر نحلله لغيرنا لاننا شفنا شو نحطي و نسوي به

يعني شرحوا لهم انهم لازم يغيروا ها الطريقة السريعه بالتحلية و الموفرة للمصاريف على قولت الادارة

شو مصاريف و خراريف بعد؟؟؟؟؟

هذا شعب و انتوا تمدوا لبيووتهم ماي ما يصلح اصلاً للشرب شو ها المصخرة؟؟؟

أونه السامان يتأخر يووم ايي من مسقط

يجيبوا سامان بكمية معينة و تكوون كافية و اذا ما قدروا اييبوا من الامارات بدل لا يتكلفووا و ايوونا من مسقط

ماي مفلتر بس و سيدة على البيووت

أكبر غلط هذا

ضمير ما شي

و قلووب ميتة

[rosse]

الله المستعان

[اللواء]

الله المستعان

هلا و الله يا رووس

منووره كونج ثاني عضو يشارك بمواضيعي من اول مشاركة له في ها المنتدى

الله يسلمج و يغليج

نحن منشتري الماي بالتناكر يعني اذا كان ها الحل الثاني لنا

لكن من وين يا حسرة العين بصيرة و اليد قصيرة

ما نشتغل و الي يشتغل معاشه على قده و يالله يخلص مطالب و مصاريف اهله و بيته

يعني على قولت المحافظ طول الله بعمره

120 ريال تكفي الشخص كراتب و الدبلوم يكفيهم 300 ريال

يعني الي معاشه 300 ريال يقدر يخلص كل هذا

المهم موضووعنا بالماي

نريد مصداقية بالموضووع مب خرابيط

..........................


على فكرة

الحين بدبا و من فترة يشتغلوون بالكهرباا و يخلوونها ارضية..

المهم و اونهم البنى التحتية للماء و بيباتها و غيرها بينزلوون لها مناقصة بسنه 2013

خييييييبه و بنزلوون مناقصة الا بعدهم

بنزلوون

فكروا بها برووحها موضوووع

[اعلاميه طموحه]

يسلمو على الطرح
وان شاء الله تتعدل اوضاعكم باقرب وقت ممكن
ربي يعينكم ويساعدكم

[اللواء]

حيا الله اعلامية طمووحه

اعجبني نك نيمج رائع جداً

الله يعين و ان شاء الله نسمع ردود جيدة

و الا ترانا منسوي مثل ما سوى ابو جحا يوم نسرقت نعاله

[اعلاميه طموحه]

الله يحييك ويبقيك اخوي اللواء
تسلم هذا من ذوقك
امين يارب بتسمعون انشاء الله اخبار تسركم تراكم تستاهلون كل خير
وابوي شو بتسووون الله يستر خخخخ جحا عاد
ليش هو شو سوى يوم انسرقت نعاله

[اللواء]

ذهب الى البيت حافياً