السلام عليكم ورحمه الله وبركاته...

القسم الثاني والاخير من الجزء الثاني من الموضوع:cry:

مع الوقت يغمق لون كيس البيض ويترهل ولمايوصل عمره 20 يوم يصير فيه ثقب دائري صغير وتتطلع منه الصغار ع دفعات .

وهذي صور الصغار اول ماطلعن

















والام عادي تروح عندهن ما تفترسهن . وتوقعت ان كل كيس يحتوي ع هالكمية من الصغار قبل ماتفاجأني المتدربه بهالصورة:blink::blink:



هي كانت اخر وحده شافت العناكب هذيك اليوم ورسلت لي الصورة بعد الدوام . كل هالكمية من كيس واحد بس والام ما مقصرة بين فترة وفترة تنزل كيس.:11mmer3::11mmer3:

اليوم الثاني طلعت كيس البيض المفتوح عشان اتاكد اذا طلعن كلهن ولا لا لان مثل ماقلت لازم ننظف شبكة الام











بالنسبة للثقب ماشفت من اللي ثقب الكيس وتوقعتها الام فقررت انقل الصغار من علبة الام واخلي اكياس البيض عندها وبعدين لماحطت كيس بيض رابع خليت كيس عندها (الرابع) واثنين (الثاني والثالث) ف علبة الصغار عشان اعرف من اللي يفتح كيس البيض وانفتح الكيس الثاني يعني الصغار هي اللي تعمل الثقب فصارت الام كلما حطت كيس بيض جديد نقلته عند الصغار .

قررت اني احتفظ بالام والصغار يتفاهمو مع بعض:whip:

اول وجبة للصغار كانت عبار عن نمل وبعدين قطعت عنهم الاكل عشان نخفف من الانفجار السكاني :oh:

صارت الصغار تاكل بعضها البعض. والكبير ياكل الصغير:wacko:



















ف البدايه اول مايطلعوا من الكيس يكونو جنب بعض مثل الكتله ومن اليوم الثاني يبدو يتفرقوا ويتوزعوا وكل واحد يحدد منطقته ويستقر فيها.











اول انسلاخ يصير بعمر اسبوع ماسجلت الانسلاخات الثانيه لاني تلخبطت كل مرة تطلع مجموعه جديده :wacko:

والواحد لما يكبر يبدا ينزل تحت يعني اعلى العلبه يكون مكان العناكب اللي بعمر ايام ويكون المكان زحمه

ف الوسط تكون العناكب اللي اكبر شوي ومافيه زحمه واجد اما تحت تكون العناكب الاكبر وف الغالب يكون 1 او 2




بالنسبة للالوان اول ماتطلع من الكيس يكون لونهم بني فاتح ولون البطن ابيض وفيه خطين متوازيين من النقط السوداء







وهذا الصورة اللي حصلت عليها بالميكروسكوب بس مش واضحه واجد



 لماتكبر شوي يتغير لون البطن ويصير كله عبارة عن خطوط متعرجة ملونة وتبدأ المفاصل تسود





وفي هالمرحلة تظهر حاجه غريبة جدا:weird::weird::weird:

تظهر علامة الساعة الرمليه ع البطن من تحت نفس الارمله السوداء
العلامة مش واضحه واجد بس لما يكبروا شوي تكون واضحه جدا جدا بس للاسف ضاعت علي الصور الاوضح:cry::cry:










ومع الوقت تختفي كل الالوان ويظهر لونها المميز مع بعض الخطوط البيضاء المتعرجة بعد فترة تختفي الخطوط وتصير بنفس لون الارمله السوادء البالغة ( شبهنا الصغار بالارملة السوداء في هالمرحله لانها تحتوي ع علامة الساعة الرمليه)












لما تكبر اكثر وتصير بعمر شهر تقريبا تختفي علامة الساعه الرمليه

يعني نقدر نقول ان الصغار تبعد المفترسات عنها بتشبهها بعنكبوت اكثر سميه

وانا اتوقع ان الناس اللي تقول ان الارملة السواء موجودة ف السلطنه ممكن تكون شافت عناكب حمراء الظهرغير بالغة

مرة سويت للعناكب حفلة جراد :110t:











وكنت بين فترة وفترة احط حشرات للعناكب الاكبر وف الاخير بقت وحدة كبيرة (انثى) من العناكب اللي كبرت اما اللي بعمر ايام(مع الشروعه هههههههههههههه):icon_chee









ع العموم ع نهايه العام الدراسي كان لازم اشوف لهن حل لان بسافر ع الاجازة وماحصلت حد يعتني فيهن حتى ارجع ..

هذيك الفترة كنت نقلت العلبتين للبيت (عشان تأثيث المختبر) ف نقلت الام لعلبه الصغار .

طبعا الام نزلت تحت في العلبه وكانت هناك بنتها وهجمت البنت ع الام وقتلتها:dev:

بقت البنت الكبيرة ومجموعه من الصغار حطيت مجموعه حشرات ومن ضمنهن حشرة فرس النبي وكلنا نعرف انها حشرة مفترسه قلت اما العنكبوت تاكل فرس النبي (بتكفيها فترة طويله حتى ارجع) او فرس النبي بتاكل العنكبوت وتنتهي سالفتهن..:icon_cool

سافرت ولما رجعت قبل الدوام بيومين حصلت فرس النبي ملفوفه بالخيط والعنكبوت في مكانها تحت عايشة!!:oh::oh:

بس كانت ضعيفه واجد ماتقدر تصطاد بنفسها فكنت اشلها في غصن صغير وفي طرف الغصن احط ذبابه .. كانت تاكل بس ماطولت في اليوم الثاني او الثالث تقريبا ماتت وانتهت قصه تجربتي في تربيه حمراء الظهر...

صح نسيت اقولكم اني ف البدايه كنت احط قطرات ماء ع شبكه الام بالقطارة واهز الشبكه عشان تجي الام وتشرب وبعدين توقفت لانها تحصل ع السوائل من الحشرات اللي تاكلها

وان خيوط الشبكه قويه ماتنقطع بسهوله

لمارجعت جربت فتحت كيس بيض كان جاف من الحرارة وطلع البيض ع شكل كرات ورديه صغيرة وكان هالكيس ف العلبه مع البنت ماعرف من حطه هي او امها لان امها كانت ميته من فترة والكيس شكله جديد وهذا الشي حيرني وحطيت احتمالين

الاول: الام حطت الكيس بس مات من الحرارة فاحتفظ بشكله وقساوته ولونه

الثاني: البنت حطت الكيس . بس كيف وهي ماملقحه؟

الاحتمال الثاني اذا كان صحيح هذا معناه ان الاناث ذاتيه التلقيح واذا كانت ذاتيه التلقيح اتوقع انها تنتج جنس واحد بس وارجح(الاناث) لاني ماشفت ذكور

هذا كله مجرد تخميناتي وتخميساتي ممكن كان في ذكور بس اكلوا بعضهم البيض لانه من كل الاعداد الكبيرة اللي طلعت ماكبرت الا وحده بس وهي الانثى

بالنسبه للصور ضاع علي الكثير منها خاصه الصور الاخيرة

هذا والسلام عليكم ورحمه الله وبركاته



*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..