مرااحب بيكم ..
رجعتلكم من جديد ..
بموضوع جديد وفكرة جديدة ..
موضوعي السابق كان يتكلم عن ( بخور برائحة النفاق)

بس هالمرة جيت بشي جديد ..
يمكن تكرر للحوار عدة مرات .. موضوعي هالمرة .. ( مضحوكـ علينا) .. !!

أدري غريب وجديد ..
بس راح أخبركم قصته ..

خلكـ متابع معااي ..
احنا كطلاب من الساعة الخامسة نستيقظ .. ما شاء الله نشيطين ..
ايوا اكيد .. نفطر الساعة السادسة . بفطور محترم ..
اوكي .. معااي انتم ..

المشكلة هنا .. احنا من الساعة 6 لحد الساعة 10 .. نصوم صيام العصافير على قول البعض ..
شو يعني .. مستغرب اكيد !!
لا تستغرب راح اشرحلك الوضع ..
انا أبي اخبرك ايها القارئ انه المشكلة مشكلة التغذية ..
تخيل معاي .. 4 ساعات ندرس والجسم ينفذ كل الطاقة الموجودة ..
يعني سكر الدم راح يستهلكـ .. ويستنفذ ..
والطاقة راح تقل .. ويصبح التركيز أقل !!

يعني المشكلة هنا مب مشكلة ساعات .. المشكلة مشكلة الطعام اللي يقدم في مقاصف المدرسة .!!

بالله عليك .. احنا يمكن طلاب كبار ونتحمل .. بس الصغار اللي بالصف الاول ..
ما احد يهتم فيهم .. كيف يتحملوا .. !!
طيب .. مو بس كذاا .. الاكل اللي يقدم ف المقصف أغليبته منتهي أو غير مفيد .. واحيانا ذا سعرات حرارية عالية تضر سلبا بالجسم ..

اللي اريد اقوله انه المدرسة تضحكـ علينا بهالمقصف الفقير المحتاج اللي من يمسكه مسكه محترمه .. ويقدم فيه اشياء حلوة ..

أخبركم عن مدرستي ..
مدرستي اكرمكم الله .. ما اقول بعض الطلاب ... بل معظم او اكثر من نصف الطلاب .. يأكلون أكل الذي أعد في المنزل من قبل الامهات .. وانا زيهم !!

يعني المقصف لو اغلق عاادي !!
ولو ظل مفتووح كمان عااادي ..
لا فرق بين الحالتين ..
لانه الطعام المقدم فيه لا يمتلك مميزات تستحق التقدير ..


أيضا اتحدث من وجهة نظر اخرى ..
ف مرة من المرات وصلني خبر انه احد المطاعم تريد تتبنى هذا المقصف وتهتم فيه وتقدم وجبات رائعة ومفيدة للطلاب كـ( السندويشات والعصائر الطازجة والفواكة والخضروات.....الخ)
يعني شي مفيد ..
لكن المدرسة حسبت حسابها وقالت ويش الفايدة من هالشي وهل لنا احنا مردود من هالفكرة ..
اكيد لالا والمردود قليل لا يكفي المدرسة يمكن !!
طيب ويش ذنب الطلاب ..

دائما ف طابور الصباح تصعد الاخصائية المحترمة وتتكلم بهالموضوع .. (( ونرجو من الطلاب ان يشتروا المقصف لان المقصف يوفر الغذاء المناسب ))

اي غذاء اي لعب اي مسخرة .. تضحكي علينا مثلا ؟؟

سبحان الله
الطمع عامي العيون .. لدرجة طاحت ف الطلاب المساكين ..
وانا اشجع واحرض انه نسوي مقاطعة وما نشتري من مقصف المدرسة عشان يخسر وتحس المدرسة بقيمة الطمع والطلاب !!

انا ما احرض على عمل مظاهرة او اقطاعية ع الاقل للمشاكل .. بل لمصلحتنا ايها الطلاب ..
وانا انصح كل طالب انه يجيب اكل من البيت احسن وابرك حاله ..

وكما اعتدنا سابقا .. ان انصحكم دوما واقول .. (( أيها الطلاب كونوا أحرارا ))
نستو\عكم بالله علة امل اللاء بكم مرة اخرى !!

الصفحة البيضاء الي تحت تنتظر أرائكم ومشاكلكم أيضا .. فلا تبخلوا لو تكرمتم .. لانا اعتقد كلنا نعاني ..

انتظروني ف المرات القادمة بمواضيع اجمل وأشيق .. القادم أجمل ..

سمو الذكرى !!


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..