. مَا عرفت ..
كِلّ مآ فَيروز غنت للصباح ..!
وأنا مآشي للجراح /
جيت أنتَ في الأغآني ..
تشعل الحزن ثاني..
وترحل مثل " السنين " ..!
وترحل أفراحي معاك ..,

كنت ألوح ,, مثل طفل راحت أمه للغيّاب ..
وظل متسمر على الباب .. , ونسى
" تلويحته للرياح .."
جفّ عمره وصارت سنينه تطيح ..!
ظلّ شارد .
تحت ظلّ الحزن يقراك بكفوفه للنجوم ..!
وما رجعت !
وظلّ يقراك بعيون الحالمين
وما رجعت !
وصار متبلد شعور ..؛
وراح للغيّاب
وراح للغيّاب ..!

وما تذكر .. غير وجهك ..
يصحى في عينه وينام ..
هذا انت بليل بُهلاء..
تعبر الذاكرة بين الزحام ..!
آم مدري ؟
من حذفك بسكتي " حلم ويمام " ..!
صدقني ..
وإنت تدري..
لا جديد .. لا جديد ..!

من تركت الحلم بيدين السنين ..
لا تروح ..!
ليل بُهلاء يسأل الليلة عليك ..!
والألم يعزف ..
على نغمة مفاعلين ..

* على حد الحنين وذاكرة أرض الأماني الجرد ..
وقفت أتنفس الضيقة أدندن آخر الحآني ..
بقيت ومآ معي إلا ثقاب الذاكرة والورد ..
شعلت بداخلي ذكرى السنين وكل أحزاني ..
جلست أدفي على جرحي حزين وما معي أي فرد ..
وحيدة أحضن الوحدة أكمل نصفي الثاني..
فقيرة وما عرفت الا مواعيد خذلها الورد .
طفبت النور يا ....... أخبي وجهي الفاني ..!
قبلت أخون ايامك وأخون أحلامنا والنرد ..
كسيرة وقارئة حظي بكت أهوال فنجاني..
على قبرك سألتك تعود وأنت تتوسد المرد ..
مشيت أجر خيباتي وزماني ينسج أكفاني ..
ألا تبت يدين الخوف لا خان الشعور السرد ..
متى يا فقد يا مذنب بتكتب صك غفراني *


شفت !
وش سوى الشتات ..
وكيف هالشعر صاير .. !
وإنت إنت ..
تترك الخوف وسط الجوف وتروح بسكات ..!
ليت تدري..
شاعرتك ..
أصحاب عمرها ضيعوها ..
وانحرفت والبارحة أصبحت مجنونة ..
وفي تمام الفاجعة الا ........ مكان ..
وبعد ما مت ..
انهد حيلي ..!

ابتدى صدري يضيق ..
وسال حزني من عيوني ..!
وبين وجهي والظلام ..
كنت أشوفك ..<

والمطر يغسل شوارعنا القديمة
كانت الدنيا حزن .. وما زالت ..!
واتذكرك .. اتذكرك واحترق..!
مليون حزن
اتذكرك ..
وارجع مع قلبي حزين ..

اختنق ما بين جدراني وأموت ..
أحسب أيام الندم تابوت تابوت ..

وانفثك مع ذاكرة تشرين
واحزان الفقارى الكادحين ..!

وكل ما حاولت أغفى .
أتوسد ما بقى من حنين ..
جيت أنت من السنين ..
مثل سوط الذنب في صحو الضمير ..

سامحني..
ما بقى غير الدعاء..

سامحني..
لا قصرت في الزيارة والرجاء..

سامحني..
هذه الدنيا وصال وبعدها فرقا ..


# رحمك_الله ..!


زحمة مشآعِر.. [:sad2:]
سُمُو الذِكرى .



*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..