السلام عليكم ورحمه الله وبركاته.

راح تحتاجون الى
معكرونه مسلوقه
3 حبات طماطم , 2 حق الصلصه ووحده بنقطعها حلقات
1 بصل امقطع شرائح
زيتون اسود وأخضر
كاتشب ومعجون طماط
وثوم مفروم حبتين
جبن البيتزا اى نوع اتحبونه
ملح وفلفل احمر وزعتر برى وزيت .

الطريقه ان شاء الله اتكون لكم سهله..

اول شي نسلق المعكرونه ونخليها علا جنب
وثانى شي انسوى صلصه الطماطم والى هى عباره عن طماطين نقطعهم قطع اصغار ونحطهم فى تاوه على النار مع شويه زيت والثوم المفروم ونتم انحركهم لين انحس بانه الطماط بدأ يدبل.. بعدين انظيف الكاتشب تقريبا فنجان قهوه كاتشب ومعجون طماط والملح والزعتر البرى والفلفل الاحمر تقريبا ملعقه وحده اتكفى وبعدين شمو الريحه الحلوه عاد وعقب مانخلص صلصتنا انسكر على النار ..
وثالث شي انيب صحن فرن اختيارى كيفكم دائرى ولا مستطيل كيفكم ومسحته بشويه سمن وبعدين ظفت المعكرونه المسلوقه وبعدين الصلصله وبعدين الجبن مال البيتزا ونوزعه عدل على المعكرونه وبعدين الطماط والبصل والزيتون الاخضر والاسود وندخله الفرن من تحت بعدين فوق..


[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]


*** منقول ***