أكتب مشكلة واجهتك في الحاسب وعملية الصيانة التي قمت بها ليستفيد منها الآخرون

[ما تفهمونه]

الأخوة أعضاء مسندم نت ...
لا يخلو حاسب من الحواسيب من مروره بمشكلة سواء في الهاردوير أو السوفت وير...
لذا أحببت أن أضع هذا الموضوع ليطرح كل واحد مشكلة فنية واجهته وكيف قام بعملية الصيانة وذلك لتعم الفائدة

تحيـــــــ للجميع ــــــــاتي

[Miss.java]

اممممم

المشكله:
من فتره جننتني نافذه سودا مع بعض الخرابيط .. تطلع فجأه وبمجرد ما أغلقها من البوكس الأحمر ، يفصل النت وتتغير إعدادات بروكسي الوايرلس !!

حل المشكله:
نزلت برنامج Anti Malware ، وسويت فول سكان للجهاز والنظام وتم بحمد الله حل المشكله !
<< (اللي يبغي البرنامج أو أي شي يخصه يتواصل معاي )

تحليلي:

أعتقد كان في ديدان ضاربه ملفات النظام معاي ..

يللا
أتمنى تستفيدو

وبارك الله فيك قلب مسندم على هالموضوع المفيد ويستاهل التثبيت ..

[ما تفهمونه]

في مره قمت بتثبيت برنامج ما يمتسح من الحاسوب

الحل : قمت بأستعادة الحاسب الى نققطة زمنيه معينه ...

[Miss.java]

السلام عليكم ~

اممم

المشكلة وطرق حلها :
نظام جهازي فيستا
تحول لون الشاشة من لون الثيم العادي للفيستا (أزرق على أخضر) إلى اللون الرمادي
وبدأ يسوي startup repair
لكن فشل
يعني لما أرجع أفتحه ، يصير لون الشاشه أسود ويبدأ شريط (تحت) باللون الرمادي بالإنسدال بشكل أفقي ومكتوب فوقه : windows is loading files...
وبعدين تظهر نفس الشاشه الرمادية بنفس الخيارات
يسوي startup repair ويفشل
فيظهر لنا خيارين بالأزرق بنفس النافذة
الأول يقول اضغط finish عشان shutdown
والثاني يقول خلونا نشوف recovery tools
طبعاً اخترت الخيار الثاني
وطلب أحدد الدولة
وبعدين اليوسر (الأدمين طبعاً) والباسورد
بعدين ظهرت لي نافذة فيها تقريباً خمس خيارات :
1.startup repair
2. system restore
3. ... backup
4. ... memory
5. command ....
6. toshiba HDD recovery

اممم
عادة لما تظهر هالمشكله اختار إما الخيار الأول أو الثاني وعلى طول أسوي إعادة تشغيل ويشتغل
لكن هالمره ما نفع هالخيارين
ف شو سووويت ؟!

اخترت الخيار رقم اربع
وجلس بفحص الذاكرة
وطلعت سليمة

وما نفع هالحل بعد

رحت عالخيار الخامس وحاولت أحط أوامر الدوس عشان أمسح بعض البرامج اللي ممكن تكون السبب في هالمشكلة
مسحت البرامج
لكن

بعد ما نفع هالحل

باقي آخر حل واللي هو رقم 6

ويقوول هالحل (فرمتي جهازج)

وأنا عاندت

ما أقدر أفرمت جهازي وفيه ملفاتي

وبعد تفكير عميـــــــــــــــق

قلت أوك بفرمته لكن بعد ما أنقل ملفاتي منه (لأني بعدي ما سويت backup) ولا حافظتنهم فمكان ثاني !

بس كيف بنقل ملفاااااتي والجهااااز مب راضي يشتغل حتى على الsafe mode

..

..

.. وفكرت وفكرت

في كذا حل:
1. نستخدم boot CD واللي هو ما معي (هالسي دي يخلي الجهاز شغال مؤقتاً لين ما ننقل الملفات والبيانات اللي نباها)
2. باستخدام أوامر الدوس أقدر أنسخ ملفاتي على هارد دسك ثاني (هاردسك متنقل) بس للأسف ما عندي الأوامر المناسبة
3. أسوي عملية جراحية لجهازي (لاب توب) وأطلع الهاردسك وأشبكه ف USB وأنقل منه البيانات المهمة إلى جهاز آخر..

طبعاً سويت آخر حل ..
ونقلت البيانات ولله الحمد

وبعدين سويت له فورمات وحولت نظامه إلى 7 !

تحليلي للمشكلة:
للأسف لا أعرف سبب المشكلة لأني دخلت الغرفة وحصلت جهازي رمادي اللون !
مع إني كنت مسكرتنه قبل لا أطلع !
ربما كان فيروس بشري !

اممم
قد تكون المشكلة بسبب عدم غلق الجهاز بشكل مناسب
أو
ادخال أجهزة (فلاش ، سماعة ، وصلة كاميرا ، أي شي ....)
أو
تحميل برامج أحدثت ارتطام بملفات النظام

وأعتقد آخر احتمال هو السبب لأني قبله بيوم كنت مثبته برامج برمجيات وأوراكل وغيره


أتمنى تستفيدو من تجربتي هذه مثلما استفدت منها أنا ..
هذا والله أعلمـ

[البحر حبي]

هذا حل مؤقت ربما يرجع لنفس المشكلة بعدما ينتهي المدة المحددة يعني انته سويت سيستم ريستور!!!!!
المفروض تدخل بالسيف مود وتلغي البرنامج الي ثبته راح يشتغل عاادي

تقبل مروري.....أرجنتينــــــــــــــي.................. ............................

[Miss.java]

هذا حل مؤقت ربما يرجع لنفس المشكلة بعدما ينتهي المدة المحددة يعني انته سويت سيستم ريستور!!!!!
المفروض تدخل بالسيف مود وتلغي البرنامج الي ثبته راح يشتغل عاادي

تقبل مروري.....أرجنتينــــــــــــــي.................. ............................

ما يرضى يدخل على السيف مود ..
وما سويت سيستم ريستور ..
بعدما نقلت الملفات والبيانات اللي أبيها من الجهاز ، عملت له فرمته من أول وجديد ~

أشكر مداخلتكمـ ~

[بسام الكمزاري]

اخر وافضل حل الفورمات اضمن ..

[البحر حبي]

ما يرضى يدخل على السيف مود ..
وما سويت سيستم ريستور ..
بعدما نقلت الملفات والبيانات اللي أبيها من الجهاز ، عملت له فرمته من أول وجديد ~

أشكر مداخلتكمـ ~

تعقيبا ع الموضوع في برنامج ويندز وهمي تقدري تحطيه بفلاش أو سيدي تقدري تدخل ع الويندز وتنقلي ملفاتج وأيضا وصلة اليو اس بي هذا يتطلب خلع الهاردسك

المشكلة تكمن بعد ما قلتي انج ثبتي برنامج الاوراكل ع فكرة اذا لم تثبت الاوراكل بشكل صحيح يتطلب فورمات 100% لانه الويندز يفقد شئ من ملفاته

أرجو انكم فهمتوني

[Miss.java]

تعقيبا ع الموضوع في برنامج ويندز وهمي تقدري تحطيه بفلاش أو سيدي تقدري تدخل ع الويندز وتنقلي ملفاتج وأيضا وصلة اليو اس بي هذا يتطلب خلع الهاردسك

المشكلة تكمن بعد ما قلتي انج ثبتي برنامج الاوراكل ع فكرة اذا لم تثبت الاوراكل بشكل صحيح يتطلب فورمات 100% لانه الويندز يفقد شئ من ملفاته

أرجو انكم فهمتوني

أيوا .. سويت خلع للهاردسك من اللاب توب ونقلت البيانات باليو إس بي.. وبعدين وصلني برنامج ويندوز الوهمي (cd boot) متأخر !

..

الأوراكل 10 جي كان مثبت من زمان ويشتغل بسلام وآمان .. لكن إضافة أوراكل ديفيلوبر و برنامج التود أعتقد هم السبب ..
بس ليش الويندوز يفقد شي من ملفاته ؟!

..

شــآكرين لكمـ التوضيح والمتابعة .. بارك الله فيكم

[صـــــانــــع الاـحـزاـن]

اسوء الحلوووووووول


الفورمااااات